चहा

सकाळच्या पहिल्या चहासारखं तुझं हसू
मनाला ताजवा देणारं

तू अवतीभोवती असण्याचा दरवळ
चहातल्या वेलदोड्यासारखाच निव्वळ

तुझी हवीहवीशी ऊब
घोटाघोटाने वाढणारी

पण या चहात मात्र … तुझ्या इतका गोडवा नाही !


अजूनही आहे एक फरक…

तुझ्यातला कैफ, तुझ्यातली नशा
या चहात नाही!


Copyright © roopavali. All rights reserved

मोरपिशी

तुझ्या मनाचा मोरपिशी रंग
माझं आभाळ भरून राहीलाय
उधाणल्या तुझ्या सागरासवे
माझा किनारा केव्हाच वाहीलाय

Copyright © roopavali. All rights reserved

तू

मी या भरलेल्या आभाळाचा कुणीच नाही
तेव्हाच मोर होतो मी जेव्हा बरसतेस तू

सारेच सारखे ऋतू मला ना कौतुक त्यांचे
मी वसंत आला म्हणतो जेव्हा बहरतेस तू

मी दगड मानतो देवळांमधल्या मूर्तींना
पण आस्तिक होतो त्यांना जेव्हा विनवतेस तू

ना नाती मानत पण नकळत मी तुझाच होतो
वाळूत आपली नावे जेव्हा गिरवतेस तू
 

 

(मायबोली.कॉम वर पूर्वप्रकाशित)

Copyright © roopavali. All rights reserved

असे वाटते...!

हातून सुटले सारे काही असे वाटते
आयुष्याला अर्थच नाही असे वाटते

सगळे विसरून पुढेच जावे असे ठरवले
शल्य तरीही उरात राही, असे वाटते

अशक्य स्वप्नांचे मनातील ओंगळ बोजे
फेकून द्यावे दिशांस दाही, असे वाटते

नकोत गुंते आठवणींचे, नको अडकणे
जगणे व्हावे पुन्हा प्रवाही, असे वाटते...!


(मायबोली.कॉम वर पूर्वप्रकाशित)

Copyright © roopavali. All rights reserved

अनदेखा

कोहरे की यूँ चादर ओढे बैठा सूरज
ना जाने क्या अनदेखा करना चाहता है


Copyright © roopavali. All rights reserved

चांदणस्पर्श!

चांदणे मृदुल कायेवरूनी ओघळते
अस्वस्थ होऊनी धरा कुशीवर वळते
चंद्राच्या स्पर्शांमधेच सरते रात
मग उरी परंतु अजून ती का जळते?

Copyright © roopavali. All rights reserved

ख़ाली सा दिन

अपनी साँसों की आवाज़ सुनता हुआ
यूँ ख़ाली ख़ाली सा गुजरता दिन

बस मगर हर लम्हा तेरी यादोंसे भरा पडा है!

Copyright © roopavali. All rights reserved

चिडचिड

मनात दाटलेले हजारो प्रश्न
तुला गमावण्याची भीती
धुमसती चिडचिड, असह्य संताप
स्वतःला समजवायचे किती? 

 

Copyright © roopavali. All rights reserved

आहट

किसकी आहट सुनती हूँ कोहरे की सन्नाटे में
कहीं मेरा अपना कोई इसमें खोया तो नहीं?

 
Copyright © roopavali. All rights reserved

शराब

हर घूँट लिया ये सोचकर
के भूला दूँ सारी यादोंको
हर घूँट जो हलकसे उतरा
तेरी और याद दिलाता गया

कितनी अजीब चीज है शराब भी!

 
Copyright © roopavali. All rights reserved

वेडे नाते

टेबलावर निरर्थक लिहीताना नकळत
बोटं तुझं नाव गिरवायला लागतात
कामात गुंतलेले सारेच क्षण
तुझ्या विचारांत हरवायला लागतात

स्वप्नात भेटणं जुनं झालं कधीच
आता प्रत्यक्षात पण तुझा भास होतो
केसांशी खेळणारा वाऱ्याचा झोका
मानेशी रुळणारा तुझा श्वास होतो

तुझी ओढ, तुझी आस, तुझा छंद मला
तुझी नसूनही तुझी होऊन जाते मी
तुझ्यामाझ्यातले निनावीच बंध
उरी तरी जपते हे वेडे नाते मी


Copyright © roopavali. All rights reserved

तुझ्याशी बोलत असते तेव्हा...

तुझ्याशी बोलत असते तेवढाच वेळ चालू असतो माझा श्वास
मग चालू होतं तुझी वाट पाहणं
श्वासांनी पडून राहणं
निपचित
तुझ्याशी बोलत असते तेव्हाच नेमके शब्द होतात मुके
नंतर मात्र त्यांना कंठ फुटतो
आठवणींचे कढ येतात
एखादी कविताही जमते मग
तुझ्याशी बोलत असते तेव्हा स्वप्न, सत्य, भास, आभास असलं काहीतरी सुचतं
तू गेलास की सगळे मिसळतात
एकमेकांत विरघळून जातात
अगदी तुझ्यामाझ्यासारखे
तुझ्याशी बोलत असते तेव्हा एकरूप वाटणारे आपण
तू जाताच वेगळे होतो
विरहाचे सल सलतात
तुझेमाझे क्षण छळतात
हुरहूर दाटते केवळ
तुझ्याशी बोलत असते तेव्हा वाटतं काळ थांबावा इथेच
हे बोलणं संपूच नये
वास्तव वगैरे काही असूच नये ...

जमत नाही आता तुझ्याशिवाय जगणं!!


Copyright © roopavali. All rights reserved

हासिल

ठंड रिस जाए अंदर तक यूँ...
दिल पिघलने ना पाए
इस ठंडे शहर से इतना तो हासिल हो!

Copyright © roopavali. All rights reserved

तृष्णा

तुझ्या हातांच्या आंचेने
अलवार मला वितळू दे
तुझ्या स्पर्शाच्या ओढीने
स्पंदनांना पळू दे

भान सुटू दे सगळ्याचे
उन्मळू दे, तोल ढळू दे
विखुरण्यासाठीच आसरा
तुझ्या मिठीत मिळू दे

नको दुराव्याची शपथ
श्वासात तुझ्या मिसळू दे
सोसू दे धग देहाची
आज तुझ्यासवेच जळू दे!

Copyright © roopavali. All rights reserved