Tuesday 10 September 2013

नशीब

मी त्यास शोधले हरेक ग्रहगोलात
धुंडाळले आणि हाताच्या रेषांत

समजून घेतली कुंडलीतली स्थाने
चाळली पुन्हा जातकाची सारी पाने

अंगठ्या सजवल्या प्रत्येक बोटात
करवली अनुष्ठाने, पूजा अन शांत

हर देवस्थानी नित्य टेकला माथा
केले जप, म्हटले मंत्र, वाचल्या पोथ्या

व्रतवैकल्ये अन उपास करुनी झाले
सापडे तरी ना, नशीब कुठे हरपले




Copyright © roopavali. All rights reserved