पिंजरा

माझ्या शब्दांच्या पिंजऱ्यात मलाच अडकवलंस

आता मरेपर्यंत या छळातून सुटका नाही


Copyright © roopavali. All rights reserved

आठवण

तुझी आठवण मला रोज तीनदा येते फक्त
ऑफिसात
घरी
आणि या दोन्हींत ये-जा करताना
इतर वेळेला तुझा विचारही करत नाही
काय सांगू...
सध्या आयुष्य इतकं बिझी आहे की
ऑफिस आणि घर सोडून इतर कुठे जायला वेळच मिळत नाही!

 
Copyright © roopavali. All rights reserved

अव्याहत

उद्या सकाळी फोन करतो म्हणालास..
बहुधा सहजच म्हणाला असशील
तुझी सकाळ केव्हाच संपली
माझी संपूनही बराच वेळ झाला
संपली नाहीये ती एकच गोष्ट...
माझं अव्याहतपणे तुझी वाट पाहणं!
जे लवकर संपावंसं वाटतं तेच सगळ्यात जास्त रेंगाळतं हेच खरं!!

 
Copyright © roopavali. All rights reserved

कशी आहेस?

चांदण्यागत तलम
मनात खोल झिरपत जाणार्‍या आवाजात
रोज विचारतोस 'कशी आहेस'?
तुझ्या पहिल्या शब्दाबरोबरच
विरघळत जाणारी मी
त्या क्षणी कशी असते
हे खरंच कळत नाही तुला?


Copyright © roopavali. All rights reserved

मुश्किल

ख़त्म ही होनेको है लम्हें इंतज़ार के

दिल काबूमें रखना अब ज्यादा मुश्किल है


Copyright © roopavali. All rights reserved

ओळख

तू कधी चांदणे, कधी सूर्य दाहकसा
कधी अनोळखी तर कधी मनाचा आरसा

कधी निकट असा की दूर वाटती श्वास
पण दूरही इतका जणू वाटसी भास

लाटांचे तांडव, कधी होसी किनारा
कधी झुळूक कोवळी, कधी वादळी वारा

समृद्ध जलाशय की तहानली ओंजळ
तू स्वप्न, सत्य की कविकल्पना केवळ?


Copyright © roopavali. All rights reserved

भरी भरी आँखे

तुम्हारे ख्वाबोँसे कबसे भरी भरी हैं आँखे
अब निंदोंके लिए जगह कहाँ!

 
Copyright © roopavali. All rights reserved