रूपावली: August 2021

Wednesday, 25 August 2021

चांदण्याची भूलही पडली नव्याने

साथ जेव्हा लाभली त्याला तुझी

पारिजाती स्पर्श सोसायास आतुर

रात वेडी जागली होता तुझी

"माझ्या कविता वाचतोस ना?"

माझा संभाषणाला टँजंट प्रश्न

मनातला गोंधळ जराही स्वरात न आणता तुझं उत्तर...

"हो, परवाची ना? ऑफकोर्स!"

डोळे अजूनही ऑफिसच्या मेलवर खिळलेले

"परवाची वेगळी. ही आज टाकली आहे"

"हो हो, ही काय वाचतोच आहे.."

कीबोर्ड हळुहळू बडवल्याचा आवाज

मगाचच्या मेलला उत्तर लिहीणं चालू असावं

"हे काय रे! तुझ्यासाठी इतकं भरभरून लिहायचं

आणि तू मात्र..."

"ऑस्सम! काय लिहीतेस गं तू!!"

बेमालूमपणे वेळ मारून नेण्याचा ट्रिओ झालेला असतो

पुढची मेल वाचणं सुरू...

रूपावली